وقال الكحلاوي:" علاش صاير هذا كي نجيو ندققوا نلقاو في الجدول متاع المواد الأساسية.. اللي تتحط فوق الطاولة نلقاو التغير الشهري بالنسبة للدواجن أكهو يوصل لـ12 في الميا بالنسبة لشهر أوت وشهر سبتمبر شعلت النار في الدواجن، لكن الباقي الكل تلقاهم 1 و2 في الميا التغير الشهري معنتها هاذاكا هو يعكس التغير العام، قاعدين نزيدو بمعدل 0.5 و1 بالميا في الشهر، لكن على المستوى السنوي بالنسبة للعام اللي فات بالنسبة لسبتمبر اللي فات أغلب الزيادات فوق العشرين في الميا، يعني أغلب المواد الأساسية اللي تتحط فوق الطاولة زيادات بعشرين في الميا راهي حاجة كارثية.. هي تتقسطلك في القفة لكن مبعد تلقاها في آخر الجمعة ولا في آخر الشهر، اللي يقول فيه الطبوبي مش غالط في العمق، اللي يقول فيه مدير مرصد الاستهلاك مش غالط، اللي هو فعلا الزيادات اللي ماشية في الأجور ومها بش تزيد في الأجور مستحيل بش تخلط، على الزيادات الحالية في الأسعار، وهذاكا علاش الاتفاقية مع صندوق النقد الدولي مهمة مش لأنو بش ناخذو الفلوس، آش بش نعملو بيها الفلوس، كيفاش نمشيو بطريقة أنو نخففو من أثر الأزمة بعد الأزمة ونمشي لوضعية أسهل وضعية متاع وسادة هاذيا مسؤولية الدولة مش مسؤولية الخارج"...