وقال الكحلاوي:" عندهم مشكلة في الإنكار متاع الوضع العام، بما فيه تقديرهم للقرار الدولي والاتجاه متاع الدول الغربية قراوه بالغالط قبل كانوا يعتقدوا فعلا اللي الأطراف الغربية ماشية في إسقاط قيس سعيد وما فهموش التوجه العام متاع الأطراف الغربية ومسار صندوق النقد الدولي، وأنو فعلا المفاوضات رسمية وماشية لاتفاق في تقديري في الأشهر القادمة.. النقطة الأخرى انت مالمفروض تقول رأيك في البرنامج متاع الحكومة انت موضوعك مش الطرف الغربي كاينو التوانسة طرف ملوحة في واد وانتوما قاعدين تقولو هاذوما متاعنا التوانسة إيجاو أحكيو متاعنا أحنا في عوض تمشي لشعبك... أنا والله كنت انجم نتفهم بل ربما ندعم موقفهم إذا كان قالو للتوانسة يا توانسة هذا برنامج إصلاحات ملكبت في المهموتة نطالبو بأنو نعرفو شنوة فيه ونقولو لصندوق النقد الدولي أنو بالنسبة لينا كل ما يمس مواقف التوانسة أحنا سنقف ضده كان جاو يقول هكا نفهمو موقف سياسي يغزر لشعبو ويطلب دعم شعبو مش يمشي لصندوق النقد الدولي والأطراف الغربية اللي هي منفختك وقاعدة تتعامل مع الأمر الواقع".