وقال الكحلاوي:" في المقابل السيدة هاذي تنتمي لمنظمة وهمية تمارس في التحيل، وهي فاش تمارس في التحيل الساعة أنها تنفي أنها هي منخرطة في الحكاية هاذيا، الموقع متاع iCheck، اللي هو يثبت في الأخبار الزائفة، دخل بالروابط اللي هي دخلت نحات اسمها في النهاية، فما اسمها هي موجود، عندها أصلا مداخلات فما فيديو بعثوهولي متاع هي تحكي باسم المنظمة هاذيا، وبكل بساطة أنا مش فاهم علاش بدات العهدة متاعها كنائبة رئيس مجلس نواب الشعب بكذبة بأنها تنفي انتماءها للمنظمة هاذيا في حين الأمور موثقة، هي تنتمي للمنظمة الوهمية هاذيا، اللي تمارس في الإيهام إنها تعمل التحكيم، والحاجة اللي لفتت انتباهي، دخلت للسيرة الذاتية متاعها الاحترافية نوعا ما، وقالت هي خذات شهادة في الحقوق مالـ كينغز كولاج في لندرة، دخلت أنا واحد مالناس لكينغز كولاج، ضيعت شوية وقت خاطر جماعة iCheck، ما عملوهاش، دخلت للقايمة متاع الناس اللي تخرجو منها ما لقيتش اسمها السيدة، معنتها المعلومات اللي عملتها في السيرة الذاتية ماهيش لعبة راك نائب رئيس مجلس نواب الشعب، حاطيتلي سيرة ذاتية أمورها مش أكا الكل، مرهوج، سامحني كان بدينا من المرسى نقدفوا، أنا يظهرلي جاء الوقت ربما لأول إعادة انتخاب داخلية في المجلس هاذيا ويشوفوا حد آخر نائب رئيس وما يفضحوناش يعملو مزية".