وقال الكحلاوي:" فما درجات في حالات الإنكار ... فما سلم ريشتر أكثر حاجة 9 كان جاء فما سلم في حالات الإنكار موسي في حالة الإنكار 9، يعني الولايات المتحدة بقوتها ووضعها تعرف اللي يتم التعامل مع الأمر الواقع... انت تنجم تقلي يا أخي أنا ضد مسار الدستور ونعتبر أنو تمت صياغتو بالشكل غير المطلوب، لكن بعد ما صار الاستفتاء بزوز ملاين و800 ألف عمليا أمر واقع، يصدر في الرائد الرسمي، الأجهزة الحاملة للسلاح موجودة رئيس الدولة هذاكا هو القائم، تنجم تعتبر المسار متاعو الكل انقلاب، أما تمشي تقول أنا الطريق اللي بش نواجهو بيها هو نبعثلو تنبيه بعدل منفذ للقصر ونعلن رئاسة الدولة موقع شاغر ونعمل خطتي السياسية على الأساس هذايا وفي نفس الوقت أدعوه هو الذي لم يعد شرعيا لكي يدعو لانتخابات رئاسية وتشريعية مبكرة، يعني بالحق الحد الأدنى من الانسجام والعقلانية وإمكانية أنو واحد يفهم فاش قاعدة تقول منعدم، يعني حتى شي، عرفت كاللي تصيرلك مشكلة وتكون في التسلل وما تعملش تحيين للوضع متاعك، هي هكاكا مازالت في مرحلة معينة في مارس ولا أفريل اللي فات، قلي أنا متمسك ونعتبرك انت غير شرعي وسأناضل ضدك في الشارع على هاته القضايا، تعمل في الفلكلور، متواصلة هي عبير موسي كانت قبل 25 ولا تزال بعد 25 أحد رموز الفلكلور السياسي اللي وصلنا لـ25 جويلية 2021، اللي شلك وهرى الطبقة السياسية هي جزء منو، مازالت تتعامل كيف ما كانت في البرلمان مع راشد الغنوشي هاو بش نجيبلك عدل منفذ هاو بش نجيبلك درا شنية، تتعامل مع قيس سعيد، خارج الموضوع مش نفس الوضعية، أعمل تحيين لروحك، أنا من 25 جويلية 2021 وعاودتها فيما بعد السيدة عبير موسي في حالة احتضار سياسي وقادمة على الموت السياسي، مع احترامي لأي شخص يقوم بالسياسية لكن هي في حد ذاتها انتهت"...