وقال الكحلاوي:" فما جريمة اسمها الخط التحريري بالنسبة للناس اللي عندها خلفية استبدادية وما تمنش بالراي المخالف نحنا تونس راهو عدينا 50 سنة الخط التحريري جريمة، إي 50 سنة، إذا كان ما يكونش الخط التحريري متاع وسائل الإعلام مطابق للسلطة إي نعم ياخي ماهياش جريمة، كان يخالفو السياق، نحنا توة آش عنا خرجتلنا محامية قالتلنا راهو كذا، بالطبيعة المحامية بش تدافع على منوبها هذا طبيعي، عدم النفي هو في حد ذاتو خبر لأنو مسألة خطيرة كي تقول هي خط تحريري، والمحكمة الابتدائية ما فماش، تتصل بيها وما فماش تجري في جرتهم يا ولادي ايجا حاشتي بالرأي متاعكم لا ما نعرفش ليس لدي المعلومة ما نجاوبكش، شنوة نعملو آه نسكتوا نتريث، إي بطبيعتنا متريثين، ياخي عنا حاجة أخرى أما نحنا ما نعملوش صافرة الإنذار ما نقولوش لا يا سيدي فما توة ريبة فما مشكل، هالمجال متاع الإعلام ماللول هزو للقناة الوطنية ونقصو عليها كل رأي مخالف وحطو كان الرأي الرسمي، قلنا باهي ماك تصرف عليها انت، بالرغم اللي هي دافع الضرايب يصرف عليها، أي وتوة بدينا سايي نبربشوا في البقية اللي قعدت، في المجال اللي قعد، أي آش عملنا وقتها، نحنا توة أخزرلي كان ما فماش وضوح، مالسلطات القضائية ومن وزارة الداخلية، متاع شنوة السبب؟، عندو مشكلة مالية قولولنا يا خويا هاو قضيتو عندو مشكلة مالية، عندو مشكلة في علاقة بتسيير الإذاعة خلي نشوفوها هاذي بالله خط تحريري.. معروفة مصادر تمويل الإذاعة منشورة، عندهم تحيين جيبو متاع الضرائب"...