وقال الكحلايو: ... النهضة ولات في حالة إنكار للمسؤولية الشخصية للعشرة سنوات مش تقلي أنا طاهر وملائكة، وكيف ما كنت في مرحلتي الطفولية في العمل السياسي وانجم نعمل أغلاط، لا انت وصلت لمرحلة متقدمة بعد 40، 50 سنة من العمل السياسي ومش فقط شاركت بالسلطة وليت عنصر رئيسي في السلطة وعملت برشا أغلاط وانت مسؤول عمليا على إفساد مرحلة الانتقال الديمقراطي بمنع فكرة المعارضة والحكم، والناس الكل نحكمو ونتقاسمو السلطة، توة في المرحلة هاذيا كيف سمعتو كي النهار في القدس العربي عمل تصريح قال التوانسة غلطو كيف ما قاوموش الانقلاب كيف تركيا في حين هي معكوسة الأتراك قاوموا لأنو أردوغان قدملهم على المستوى الاقتصادي والاجتماعي وتركيا تغيرت في 10، 15 سنة... الناس ما تنجمش تدافع على ديمقراطيتك وبقاءك انت في السلطة الناس تدافع على انتقال ديمقراطي اللي يعرفهم وهذاكا اللي ما صارش".