وقال الكحلاوي:"  عبير موسي مثل عموم معارضة قيس سعيد، هي تعيش مأزق ما بعد المسيرة، نقطة ما بعد المسيرة هي المشكل، لهنا المسيرة في حد ذاتها يقع تحويلها هي إلى أزمة للخروج من مشكلة ما بعد المسيرة، يعني تولي يلزمني المسيرة في حد ذاتها نوري اللي هي صدامية وفي حالة مواجهة ونخرج منها إضراب جوع، حتى وإن كان إضراب جوع مش في بلاصتو، ولهنا ما نحبش نقول اللي مش مستانس بإضراب الجوع تتحرق حوايجو، في النهاية لهنا معنتها انت بعد 3 أيام، أنا عمري وممكن تعرف الحاجة هاذيا في 1984 أول مرة عشت إضراب جوع مع الوالد وقتها في النقابيين المجردين، كي مشيت وقتها بعد 15 يوم قابلت الوالد في مقر الاتحاد وقتها في نهج أثينا يظهرلي ما تعرفتش عالوالد ولقيتهم قاعدين شادين الحيط الكلهم اللوطة فارشين الجراري وقاعدين، بعد 15 يوم وعندو وقتها القرح.. هذاكا إضراب جوع شفت إضراب جوع متاع إضرابات جوع أخرى عملناها في الحركة الطلابية وعملوها طلبة وعملوها كذا، إضرابات جوع متاع بعد 10 ولا 15 يوم متاع شخص يولي كذا والناس تشد صحيح، خلي نكونوا واضحين راهو الجانب المسرحي في السياسة ينجم يخطف مرة اثنين ثلاثة، أما كي تكرر منو برشا يتهرا وهاذكا علاش ما تنجمش تحقق بيه نتائج سياسية يولي هو في حد ذاتو مأزق.. أنا تضامنت في حقها في أنو يلتحقو بيها الأنصار وقلنا البارح كيف هي كيف غيرها مش من حق الداخلية تمنع أنصارك بالالتحاق بيك"...