وقال الكحلاوي:" هاذي يقولولها من المرسى بدينا نقدفوا، من باردو بدينا نقدفوا، النواب هاذوما خطابهم بين قوسين قبل ما تصير الانتخابات في الحملة الانتخابية أكي النواب متاع برلمان 2014 والتأسيسي وبيهم وعليهم وينهبوا، تي مازالت ما عملتش جمعتين، قالت، فما محامين وطبة، إي انت ماهو عارفة ماللول اللي انت إذا كانك تعمل في مهنة حرة، خاصة، ماكش معني ما تنجمش تقعد تخدم في المهنة، يلزم تأخذ كان المنحة متاعك، ماهوش خبر عروفتوه مبعد هذا، تعرفوه من قبل، مازالت كي بدات وبدات تحسب، التضخم وكذا من 2011، أنا كنائب كي يبدى قدامي قانون الميزانية متاع 2024، أول حاجة تلفت انتباهي هي شهريتي، في عوض أول حاجة تلفت انتباهي شهريات متاع بقية المواطنين، والمقدرة الشرائية، يعني في نفس الوقت بش نقولولهم يا مواطنين بش نجمدولكم كتلة الأجور على خاطر هاذكا هو الاتفاق متاع صندوق النقد الدولي اللي جاي شنوة يستوجب، أما نحنا بش نطالبو بزيادة في المنحة، تقدم في المثل معناها للناس بالطريقة هاذي توة هذا كلام والله العظيم شي يبهت، يعني النواب متاع البرلمان هذايا مصرين يزيدو يشوهو، هي تحكي باسم المجلس، يعني توة يا رسول الله في الوضع الصعيب هذا يطلع نايب في البرلمان يقول الكلام هذايا، يلزم تسكن وتكري في باردو؟"...