وقال حنفي:" أحنا المعاملة متاعنا مش مع وزارة التجارة وبالأخص الديوان الوطني للتجارة، أحنا المعاملة متاعنا مع قلايين للقهوة، وقتلي يجيك يقلك ما عنديش قهوة كافية، انت تطالب بكمية يعطيك كيمة أقل منها، هذا شي موجود وأكثر من هكا، وقتلي تمشي لأكبر قلاي قهوة في تونس تلقاه معلق أوراق يقلك ما نجمش نعطيك أكثر من 200 غرام معناها فما أزمة، ومادامها كميات القهوة تكفي لـ3 أشهر علاش ما عطاوش الكميات لأنو فما بعض قلاية القهوة نقصوا مالخدامة متاعهم وفما شكون سكر على خاطر السلعة ما فماش ما ينجمش قلاب القهوة ما فماش حتى مشكرة بين عشية وضحاها يقلك لا ما عادش نخدم على خاطر قد ما يبيع أكثر قد ما يصور فلوس أكثر، الأزمة موجودة نقلك لو كان جات بالمجد 3 شهر، الوقت اللي تعمل فيه الطلبية متاع القهوة حتى لين توصلك شهر ولا شهر ونص شهرين... ما حبوش يقولولنا بالضبط، كان جاو م الأول قالو راهي فما قهوة بش تدخل امخر، راهو فما مشكلة متاع ميزانية فلوس ناقصة، يصير ياخي شنوة مشكلة هي توقع في البلدان الكل، أحنا اللي فهمناه وقتلي الروز والزيت والتاي والقهوة الكل فيهم مشاكل معناها الشي جاي من ديوان التجارة اللي عمرهم ما قالو فما مشاكل وهي فما مشكلة، يقلك ربما وقتلي نقولو فما مشكلة يكثر الفزع والهلع في البلاد، وهو الهلع يكثر أكثر وقتلي تصريحاتك تعطيها شبه مغلوطة ولا تصريحات ما فماش، الواقع اللي عايشين فيه إلى يومنا هذا، ماذابيا كان طلبتو قلاية القهوة تاو يجاوبوكم ويقولولكم راهي السلعة ما فماش، ديوان التجارة ووزارة التجارة حتى جواب...من تاريخ الاستقلال لتوة أول مرة تجي أزمة في القهوة ونتفرجو في التلافز البرة ما قالوش فما أزمة في القهوة، ديوان التجارة فيه مشاكل هوما قالوها من قبل إن شاء الله تتحل وأكهو"...