وقالت قزارة:" هذا مش ملف قيس سعيد، ومعركتنا السابقة ومتواصلة أحنا، لكن حركة النهضة ولا مرة جاوبت هيئة الدفاع بدليل قاطع، قالت هاذم الجبهة الشعبية توظيف فيهم خاطر خسروا في الانتخابات، ثم قالت وظفهم المرحوم الباجي قايد السبسي لأنو أنهينا فترة التوافق، مبعد قالو دولة الامارات تمول فيهم كمال لطيف يمول فيهم، توة جينا لمرحلة قيس سعيد، هاذم يحبوا الملف يتسكر يرقد، نكملو مسألة الاستفتاء ومآال الحوار ونكملو عركتنا السياسية ومبعد تاو نشوفو نعاودو نحلوه ولا لا، وقتها عاد يخرجو شطر المتهمين وأدلة الاثبات ماعادش نلقاوها، أحنا في ملف الشهيدين نعاركو على تاليفونات المتهمين، اللي هوما متهمين في قضايا إرهابية تهم أمن البلاد، أبو عياض هل من المعقول يا توانسة متهم في قضية شكري بلعيد ومحمد البراهمي وفي ذبح الجنود التوانسة، وتاليفوني مش موجود لدى القضاء التونسي هل يستناو في هيئة الدفاع بش نطالبوه ونخوضو معارك ونجيبولهم حتى رقم الهاتف ونقلولهم هاو بدا تشغيلو من 2011 وتسكر من 2015، بالرغم من أنو أبو عياض صادر فيه منشور تفتيش منذ سبتمبر 2012، راهي وزارة الداخلية اكتشفت أنو أبو عياض يسير في عملية الهجوم على السفارة الأمريكية بالتنصت على هاتفو وحددت موقعو في حمام الأنف، اليوم بعد عركة كبيرة من هيئة الدفاع، على المطالبة بكشف الاتصالات الصادرة والواردة خلي نكشفو شبكة العلاقات شكون يحمي فيه السيد هذا وشكون هربوا اليوم الوزارة ساكتة، أمس في جلسة الشهيد البراهمي في 31 ماي 2022، تجاوبنا وزارة الداخلية تقلنا صحيح رقم الهاتف هذا كان يستعمل فيه أبو عياض وصحيح راهو بدا في 2011 وتسكر في 2015، أي جبتلنا معطيات جديدة أحنا قلناهالك إي أعطينا الكشف قالت لا ما انجموش نعطيوكم الكشف خاطر فاتت الخمس سنوات هاو التوظيف متاع أجهزة الدولة لطمس الحقائق... تاليفون أبو عياض قعد يخدم لـ2015، يقلك ما تحتفظش بكشف وأحنا نعرفو أنو نظام القانوني متاع الهواتف يختلف من نظام الفوترة إلى نظام البطاقات عن طريق الشحن وغيرها، ونعرفوا أنو في الملفات الإرهابية المصالح الفنية قادرة أنها تجيب هواتف جوالة لمدة 10 سنوات لتالي وأنو نعرفو أنو كشف المكالمات موجودة عند وزارة الداخلية واليوم يقع الامتناع بشكل رسمي نقولو ما انجموش وهاذي عينة، هذا علاش تراهن حركة النهضة على بطئ الزمن القضائي على التعطيل والهرسلة وبث الاشاعات وهذا مش غريب عليها وتعودنا بيه".