وقال كرشيد:" لست على علاقة بخيام التركي ولم أعرفه سابقا ولا أعتقد أننا قد نتعارف حتى مستقبلا يعني بعاد على بعضنا برشا في التصورات والأفكار وما إليه من أمر، لكن الحقيقة إذا كان مسألة عشاء ما فيهش حاجات إثبات ولا مسائل غيرو ما نعرفش شنوة الأهمية متاع الموضوع بالتالي هذا الموضوع مازال بكري عليه، أنا نحب نأكد أنو الفكرة الأصلية اللي أنا متشبع بيها هو فكرة الحرية، وفكرة تمتيع الناس بقرينة البراءة، لأنو فما محاكمات بالفايسبوك وهذا ما ينفعش، يلزمنا نستنوا نطلعوا على حقيقة الملفات بداية من الغد، يبدو أنو فما خرق للإجراءات تم لأنو مدة الإيقاف أكثر من المدة المخولة قانونا لحد الآن اللي هي انطلقت الإيقافات يوم السبت، ولكن مفعول الإيقافات بدأ كان البارحة، هاذيا ما تصيرش ولكن أنا شفت تصريحات المحامين ونعرفوا الناس الكل اللي هوما أوقفوا يوم السبت ويبدولي الآجال متاع سريان مدة الإيقاف بدات كان البارح يعني 24 ساعة عدوها بالإيقاف دون أجل قانوني، تو نثبتو في المواضيع هاذيا وتاو تثبت هيئة دفاعهم، بالتالي موضوع الإيقافات، يلزم تقع الإيقافات على حاجة صريحة وجدية وواضحة ومش على التخمين ولا الجانب السياسي، ما نخلطوش بين الخصومة السياسية والخصومة القضائية"...