وقال ونيس:" موقف تونس من التصويت، نحن عندنا القدرة بش نتبعو الأحداث في العالم خاصة في العالم القريب، اللي نعرفوه معرفة جيدة بالعقل وبالخبرة وبالتجربة، نعرفوا شنوة معناها الواقع وشنوة تطوراتو ونوزنوها أما من الاهتداء إلى التقييم وإلى الحكم السياسي على أوضاع والأخطار اللي نشموها بحكم المشاهدة وبحكم الخبرة وبحكم مصالحنا الأساسية كيفاش نهتديو، نهتديو بالقياس مع الهموم المنزلة علينا يعني مادامنا أحنا ضحية اعتداء وأراضينا محتلة والدول العظمى ما عادش تلتزم بمبادئ السلام وميثاق الأمم المتحدة ولات تفرض في الاحتلال وتحامي عليه، اليوم نفس الشي أحنا عرضنا على إسرائيل أننا مستعدين للسلام ولبناء قلعة متاع أمن في منطقة الشرق الأوسط بالاتفاق الاستراتيجي ما بيننا ونخرجو بحل سلمي واليوم نفس المشكل ولا مطروح بين روسيا وحلف الناتو، معناها روسيا يقولولها الدول متاع حلف الناتو اللي يدعمو اليوم في أوكرانيا تقبل بما نمليه وإلا انت في خطر ولات مهددة ومطوقة، ولذا روسيا تطلب نفس الشي اللي طلبناه مع إسرائيل اللي هي في مرحلة أبعد من الحرب مع أوكرانيا لأنها انتصرت على الحرب وسلطت الاحتلال، اليوم روسيا تواجه في نفس الشي وتقول أنا مستعدة بش نطرح عرض أننا نتفقو على أمن في القلعة الأوروبية بموافقة الجميع علاش ترفضوها، كيما رفضتها إسرائيل ودعموها الغرب كيما اليوم قاعدين يرفضوها على روسيا، أحنا نحكم على أن العرض الروسي سليم وسديد".