وقال بن سالم، :"ما عندوش الحق، فاحنا ذكرناه بالقانون، فشنوة كان الرد ؟، كان الرد اللي شفتوه واللي ما كانش لائق على الإطلاق، واللي في الأخير هوما أنكروا أنو هذا صدر على رئيس الحركة، وعلى فكرة أحنا وقتها فرحنا بأنهم ينكروا هذا الأمر، لا،و ما يليقش لا بيهم لا بينا أكالجواب اللي شفناه الناس الكل وسمعو بيه الناس الكل، وأنا كنت نتمنى إنو موش فقط الرسالة ما تليقش، الموقف من أساسو ما يليقش... أحنا استبشرنا بالتكذيب موش لأنو صحيح ولا موش صحيح، قلنا الحمد لله الجماعة شافوا إنو الرد هذا غير لائق، وتمنينا وطمعنا على أنو الغير لائق مش كان الرسالة، الموقف متاع التمديد، الموقف متاع عدم احترام القانون هو اللي غير لائق، نحنا مازلنا عنا أمل إنو يرجع شاهد العقل للجميع باش نعطيو المثال، أنا في رايي حركة النهضة هاذي يلزمها توري الطريق للناس، وريناها قبل في الدفاع على الديمقراطية، وريناها قبل عندما خرجنا م السلطة من أجل مصلحة وطنية، الآن فرصة أخرى باش نعطيو المثال بالديمقراطية الداخلية داخل الأحزاب، وما يلزمش الفرصة هاذي تضيع منا لأني بش تنسف مصداقيتنا متاع حزب ديمقراطي...".