إعلانات

نور الدين البحيري: نتمنى محاولة اغتيال أحمد موحى ما تكونش سياسية

نور الدين البحيري: نتمنى محاولة اغتيال أحمد موحى ما تكونش سياسية

IFMالأربعاء 30 سبتمبر 2020 - 17:06
أعرب رئيس الكتلة البرلمانية لحركة النهضة نور الدين البحيري عن أمانيه أن لا تكون محاولة الاغتيال التي تعرض لها النائب عن ائتلاف الكرامة محاولة اغتيال سياسي.


وقال البحيري خلال حضوره اليوم الأربعاء 30 سبتمبر 2020، في برنامج 90 دقيقة على إي أف أم، :" على كل حال هي محاولة اغتيال، والقوات الأمنية في بنزرت مشكورة على جهدها، قبضت تقريبا على المشتبه فيهم حسب آخر المعطيات، ونتمنى باش ما يكونش سياسي، لأنو لو يكون سياسي كارثة، كارثة لو أنو بعض الأحزاب السياسية تستعمل مثل هذه الأساليب لتصفية خلافات وتسوية حسابات، علما وأن أحد الأحزاب والسياسية والكتل استعمل ضد أحمد موحى وضد زملاؤو وأصدقاؤو في كتلة ائتلاف الكرامة وضد حتى غيرهم لكن وقع التركيز بالأساس على ائتلاف الكرامة، كل ما هو ممكن للوصول إلى مثل هذه الجرائم من تحريض ومن تنديد ومن اتهامات، الدستوري الحر تحدثت عن ائتلاف الكرامة أكثر شوية وحركة النهضة لحقت لحوق، التحريض اتهام بأنو هاذوما ناس دواعش وإرهابيين شنوة تتوقع منو، مثل هذا الدفع نحو التباغض وإثارة أحقاد الماضي الحكان ع الجرح متاع الصراعات والخلافات، التحريض الصريح والواضح، هاذيا اللي يفكر إنو مثل هذه العملية اللي ما عندها حتى مبرر مادي يعني ما فماش محاولة لاختطاف، باش يفكو منو فلوس ولا باش يخطفو منو تاليفون ولا باش ينحيلو حاجة لابسها، يعني محاولة اغتيال مجانية تنجم تكون أغلب الظن لاعتبارات سياسية، وفي كل الحالات ما حصل من تحريض ضد ائتلاف الكرامة وحتى ضد حركة النهضة، وما حصل من تشويه لصورتهم ومن اتهامهم بتهم خطيرة جدا ينجم يكون سبب من أسباب ارتكاب مثل هذه الجرائم".
 

 



مقالات مشابهة