إعلانات

هشام العجبوني: لو كنت مكلف بتشكيل الحكومة ما نشركش النهضة

هشام العجبوني: لو كنت مكلف بتشكيل الحكومة ما نشركش النهضة

IFMالأربعاء 12 أوت 2020 - 19:49
أكد رئيس الكتلة الديمقراطية في البرلمان والقيادي في حزب التيار الديمقراطي هشام العجبوني اليوم الأربعاء 12 أوت 2020، خلال حضوره في برنامج 90 دقيقة على إي أف أم، أنه لو كان مكلفا بتشكيل الحكومة فلن يشرك حركة النهضة وذلك ليس من باب الإقصاء أو الاستئصال حسب تعبيره.

وقال العجبوني، :" لسبب بسيط حركة النهضة موجودة منذ 9 سنوات في كل الحكومات، هوما يقولو ما حكمناش في الحملة الانتخابية الأخيرة نداء تونس هو اللي حكم وتضطرينا إنو نلصقوا في السيد الباجي قايد السبسي كي البوكسار، السيد وقتها ميت الله يرحمو كان م المفروض أخلاقيا ما تتقالش العبارة هاذيا، باش انت اللي حركة النهضة معناها حتى الحلفاء متاعها تغدرهم، وبالتالي كانت عندها فرصة باش تشكل الحكومة، السيد حبيب الجملي مع كل احترامي للشخص ما اختارت كان شخص غير قادر إنو ينجح حكومة تتحمل مسؤوليتها، ومبعد الحكومة الثانية أسقطتها بحجة تضارب المصالح ونعرفو الكل اللي هاذي حجة واهية بالنسبة لحركة النهضة موش لغيرها، معناها حتى حد لا ينجم يصدق إنو حركة النهضة يهمها مسألة تضارب مصالح أو الفساد، توة بالتالي ما عادش عندها مصداقية، تشارك في حكومة سياسية على شنوة، أنت ضيعت الفرصة اللولى وعطيتنا حكومة على أساس مستقلة وهي غير مستقلة، وضيعت الفرصة الثانية اللي أسقطت حكومة بحجة توسيع الحزام السياسي، انت في حكومة الجملي رفضت إنو قلب تونس يكون فيها رفضا باتا، تشكلت حكومة السيد إلياس الفخفاخ قالت يلزم توسيع الحزام السياسي، وقعدت تهرسل في رئيس الحكومة ورئيس الحكومة رفض، استغلت فرصة الملف اللي تعرفوه الناس الكل وأسقطت هذه الحكومة...".

 



مقالات مشابهة