وزير الرياضة: هناك لإمكانية إقامة فرعين لأكاديمية أسباير وأسبيتار في تونس

IFMالجمعة 31 ديسمبر 2021 - 17:37
كشف وزير شؤون الشباب والرياضة كمال دقيش اليوم الجمعة 31 ديسمبر 2021، خلال ندوة صحفية عقدها عن تفاصيل المفاوضات التي جمعته بالجانب القطري، مشيرا إلى إمكانية إقامة فرع لأكاديمية أسباير ومركز أسبيتار في تونس.

*إمكانية إحداث فرع لأكاديمية أسباير

أوضح الوزير أنه زار الأكاديمية وهي من أحسن الأكاديميات في العالم، قائلا:"إذا كان نفترضو يكون فما فرع في تونس هذا بش يكون، مكسب كبير لتونس ومكسب بالنسبة للرياضة، على خاطر أولا بالنسبة لقطر هي الأكاديمية الموجودة غادي وإذا بش تتحط في تونس هوني راهو فما إيجابيات كبار، فما امتيازات سواء ليهم ولا لينا، أحنا بش نربحو بالتأكيد خاطر بش تكون عنا أكاديمية من النوع الرفيع، وبش يكون يمكن أكثر استثمار في الميدان الرياضي تنجم تحققوا توة تونس، بالنسبة ليهم هوما فما القرب لأوروبا، أوروبا فيها أحسن دوريات لكرة القدم، وأحنا قراب لأوروبا، فلذا يساعدهم تكون فما أكاديمية قريبة من أوروبا ومن أكبر البطولات الأوروبية، بالنسبة لينا أحنا في التفاهم مع الشيخ جاسم اللي يتبع بصفة قريبة جدا الرياضة في تونس، الأكاديمية مهمة خاطر عنا برشا مواهب لكن عنا نقص في الجانب المالي، بالنسبة لقطر الأكاديمية موجودة أما هوما ساعات عندهم مشكلة في ملأ طاقة استيعابها، فما تكامل كبير أحنا عنا المواهب والشبان موجودين بكثرة ناقصهم التأطير، التأطير بش توفروا الأكاديمية، وكنا متفاهمين عالمسألة هاذيا، المادة البشرية موجودة وبش نوفرولها الفرع هذا متاع أكاديمية أسباير"...


*إمكانية إقامة فرع أسبيتار في تونس

تطرق وزير الشباب والرياضة أيضا خلال الندوة الصحية إلى إمكانية إحداث فرع لمركز أسبيتار المختص في الطبي الرياضي في تونس.
وبين كمال دقيش وجود معطيات مهمة للغاية قد تدعم إمكانية إحداث المركز في تونس، أولها سمعة تونس في الميدان الطبي وشبه الطبي، إذ أن الجنسية التونسية هي أكثر جنسية ممثلة في المركز بحوالي 200 تونسي من جملة 74 جنسية للإطارات الطبية وشبه الطبية العاملة فيه، كما أن من بينهم كفاءات معترف بها عالميا على غرار كريم الشماري إلى جانب السيدة الوحيدة العاملة في المركز منية سليم وهي ما جعله يتفاوض بأريحة كبيرة مع الجانب القطري حسب تعبيره.
وأضاف وزير الرياضة أن إمكانية إحداث فرع لأسبيتار في تونس سيجعل من بلدنا وجهة لكبار النجوم في أوروبا للقدوم وتلقي العلاج فيه، مما سيحقق مكاسب جمة لنا على عدة مستويات، أولا من المستوى الطبي في تكوين الإطار الطبي وشبه الطبي، إلى جانب السياحة الطبية.
وقال المسؤول الحكومي خلال الندوة الصحفية:" بش يكون استثمار كبير عاللخر في تونس وبش يكون مكسب في المجال الطبي والرياضي والسياحي .بالنسبة لأسبيتار موافقين عالمبدأ بالنسبة للسلطات القطرية، وحب يجي لتونس قبل عندو 4 سنين، إلا أنو اكتشفنا أنو الإجراءات الإدارية المعقدة وفما تراخيص ثقلت كاهل تواجد أسبتار في تونس، مشا لبلد آخر، مبعد را إنو البلد هذا ما عندوش نفس الإيجابيات كتونس، رجعوا لقطر وقعدوا يحبوا ينقلو لتونس، عنا فرصة من ذهب لتواجد أسبيتار في تونس، وبالنسبة لينا نحنا إنو نسهلو الإجراءات الإدارية، مش نطلبو مالمستثمرين يجيو لتونس ومبعد نسكرو عليهم بالنسبة للإجراءات الإدارية، وكان فما وعد بالنسبة لينا نحنا أنو في حالة تواجد أسبيتار في تونس بش نسهلو الإجراءات الإدارية، وهذا ما يهمش أسبيتار فقط، التوجه الحكومي الحالي تسهيل الإجراءات الإدارية بالنسبة للمستثمرين، إن شاء الله اذا كان نمشيو في التوجه هذا مش بش يكون فما حتى عائق بش يتواجد في تونس".
 




مقالات مشابهة