في المقابل أشار ضيف الله، إلى أن حكايته مع النادي لم ولن تنتهي.
كما تقدم بالشكر لكل المسؤولين الذين عمل معهم، والمدربين الذين تدرب على أيديهم.
وأشار نعيم ضيف الله إلى أنه لم يقرر الاعتزال بعد، وأنه مازال قادرا على البذل والعطاء على أرضية الميدان.

وفيما يلي تدوينة نعيم ضيف الله:

🔴اليوم تجربتي مع النادي الإفريقي وفات أما حكايتي معاها ما وفاتش وميهاش باش توفا.
الحقيقة في ستاتي لا إنجم لا  نحكي على الأيامات الحلوة و لا إنجمش نشكر فيهم المسؤولين  و لا المدربين إلي خدمت معاهم و لا شيء أما باش نحاول.
(الجمهور باش نعملو ستاتي وحدو). 
🔴 نحب نشكر من بداياتي في موسم 2000/2001 مع الرئيس سي فريد عباس،ثم سي الشريف بالأمين الله يرحمه، سي كمال إيدير، سي سليم الرياحي،سي مروان حمودية، سي يوسف العلمي إلى سي هيكل دخيل و على رأسهم سي حمادي بوصبيع الله يرحمه إلي كل ما مشينالو باش إعاون الإفريقي يستجيب دون تردد.
🔴رؤساء الفروع إلي خدمت معاهو بداية من سي زهير الهمامي أول واحد جابني وأمن بية إلى سي طارق عباس الله يرحمه، سي لطفي الزاهي الله يرحمه، سي نور الملياني، سي سامي الشرقي الله يرحمه، سي عبد العزيز الرصاع،ثم آخرهم سي سامي بالقاضي هاذم إلي خدمت معاهم. 
🔴المدربين بارشة الحقيقة وكلهم عندهم فضل علية وبالنسبة لية أهمهم سي عبدالستار اللومي أول مدرب طلعت معاه أكابر وسي منعم عون يقعد أكثر واحد خدمت معاه وإتحصلت معاه على أكثر ألقاب و أثمن لقب وإتعلمت معاه باارشة باسكات و خاصة إلي البرة ملباسكات إلي هو التعامل مع المجموعة والمسؤولين والمسؤولية و النضج بما يفيد النادي متعنا بصفة خاصة والباسكات بصفة عامة.
🔴بالنسبة لمسيرتي:اليوم موش أنا وموش عائلتي ولا مسؤول و لا ممرن إقرر إعتزالي،اليوم الحالة البدنية و l'envie هما إلي إقررو،اليوم إنحس في ال parquet مازال إعيطلي،نحس ال vestiaire كيف كيف،مازلت ثم حاجات إنجم نعطيها في الملعب وإلا خارج الملعب ثمة رسائل نحب نوصلها للصغار(وللكبار زادة)نحب نزيد نعطيهالهم موش نحطهم في القجر وإنسكر عليهم بالمفتاح.
🔴🔴اليوم إن شاء الله مازلت باش نكمل فين باش إكتبلي ربي بنفس العطاء،بنفس ال grinta و الإنضباط و بارشة خدمة.....
لنا عودة....