اعتبر عبد اللطيف المكي أمين عام حزب العمل والإنجاز، اليوم الخميس 18 أوت 2022، خلال حضوره في برنامج في 90 دقيقة على إي أف أم، أن قيس سعيد خسر جل النخب وهو يخسر شعبيا الآن.
وقال المكي:" أنا آكل الطعام وأمشي في الأسواق كل يوم ندور في أنهج تونس وشوارعها والمارشيات متاعها، بدات الناس تسأل، مش على هذا ساندناه مش على هذا وقفنا معاه، ولذلك أعطي الزمن للزمن، اليوم ما انجمش نتعسف على وعي المواطن نقلو تكون عندك نفس القناعات كيفي أنا نخليه يعاين بنفسه، لأنو قيس سعيد ليس لديه حلول وليس لديه منهج غير الشعبوية وتقسيم الناس، أما مسألة النهضة هذا طرف تونسي أنا عندي منو موقف وخرجت منو، بقي يبقى طرف تونسي يحكم عليه الشعب بالصندوق، يحكم عليه بأشياء أخرى هو مطلوبة منو أشياء يحب يعملها، وما يحبش يعملها يتحمل مسؤولية ذلك مش دوري أنا بالذات عبد اللطيف المكي اللي كنت داخل النهضة قد يفسر كلامي دائما في إطار رد الفعل أو في إطار عداوة أريد أن يقال هذا الكلام من طرف أطراف أخرى أما النقطة المشتركة بيننا هي استعادة الديمقراطية في تونس، كان اتفقنا في الطريقة هانا نخدمو ضمن جبهة الخلاص، وعلى فكرة لم يكن لدي أي اتصال ولا لقاء ولا حتى تلفون منذ استقلت مع رئيس حركة النهضة"...