وطالب الناصري رئيس الجمهورية بتغيير تركيبة هيئة الانتخابات وإنهاء مهام هيئة الاتصال السمعي البصري، مشددا على أن الإعلام سلطة السلط ولا يجب للدولة أن تضع يدها عليه.
وقال في هذا السياق:" أحنا قلنا الهيئات الدستورية الأخرى، كيما هيئة الانتخابات فاش يستنا سي قيس سعيد باش يغير التركيبة متاع الهيئة على خاطر هوما ما كانوش صادقين في الانتخابات السابقة، وأنا ما عنديش ثقة في نبيل بفون والأشخاص اللي معاه باش يعاودلي انتخابات أخرى واستفتاء آخر.. اليوم الهايكا فاش مازالت تعمل سي قيس سعيد فاش تستنا، إلى متى السلطة والدولة تحط يدها عالإعلام، الإعلام ماهاش سلطة رابع، السلطة سلطة السلط، إذا فما سلطة اليوم قايمة عندها مشاكل بش يفضحها الاعلام، وإذا بش يتسلط عليها الضو بش يفضحها الاعلام، وإذا فما ممارسات نبيلة بش يتسلط عليها الضوء ويشيد بها الإعلام، إذا الإعلام هو سلطة السلط وما لازمش تكون اليد موضوعة على الواقع الإعلامي من الدولة التونسية".