وقال جلول:" في معهد الدراسات الاستراتيجية خرجنا 25 دراسة على الاقتصاد وفما 3 دراسات عالماء، اليوم فما مشكلة متاع ماء، ما سمعنا حد... الدراسات متاعنا ما سمعهم لا رئيس حكومة لا وزراء لا حتى حد، علاش ما نعرفش... اليوم علاش التونسي والسياسي ما يهتمش بهذا؟ أولا أنا نعتبر أن فما ضعف الخلفية الثقافية والسياسية بعد الثورة أنا نعرف وزراء بن علي قول عليهم اللي تحب لكن كانوا ناس عندهم تكوين أكاديمي صلب، الثورة جات والانتقال الديمقراطي خرج من هب ودب وبخلفية ضعيفة، وكان تشوف البرلمان نسبة اللي ما عندهمش باكلوريا كانت نسبة مرتفعة، وما لعبتش النخبة اللي نلوم عليها برشا ما لعبتش الدور متاع جبدان المجتمع إلى فوق، بالعكس النخبة هبطت اللوطة ودخلنا بما فيهم أنا وأنا نعتذر اللي في وقت مالأوقات هبطت للعرك اللي ما يلزمش نهبطولو وما حافظناش على دورنا كنخبة في دفع المجتمع ... نخبة 1956 هزت المجتمع الفوق، نخبتنا اللي جات بعد الثورة هبطت للعرك والاسفاف والتفاهة والرداءة واللي هي عادية في الانتقال الديمقراطي والأزمات" ...