وقال الرقيق منفعلا:"واقع الحال هات نشوفو الاتحاد تجبد في موضوع جبد فيه نجيب الشابي عبير موسي اللي ما تربطو بيها حتى شي وما يحكيوش مع بعضهم خلاص وتأقلم معاها، جبد فيها الخماسي اللي من ضمن شروطو ما حبش يدخل لجبهة الخلاص خاطر رافض وجود حركة النهضة، جبد أمة سيدنا محمد الكل هبطها بش يقول هاذيا حاجة وطنية، الاتحاد مستهدف ياخي بالله سي الطبوبي وسامي الطاهري وسمير الشفي ياخي ناقصين لسان ولا مخ ولا عقل بش يخرجو يقولو رانا مستهدفين ياخي أسمع شوفها بالعمل أولامسين توقيع اتفاق تمت خطابات قبل أولامسين الرئيس قاعد مع الطبوبي وماجول وخرج سي الطبوبي اللي حكاه عالوئام الوطني أكثر من التصادم، اخي سي الطبوبي مشا حكا لسي نجيب الشابي قالو مستهدفيني هكاكا يقوللنا سي نجيب الشابي فما مخطط سري للقضاء على اتحاد الشغل يقوللنا سي نجيب الشابي، ما سمعناه منه هو جمع كل المعطيات هو جمع كل المعطيات بش يعمل بيها تشويش على العملية السياسية اللي أصلا ما عندوش فيها حتى شي لو كان غدوة قلو باهي يحب يشارك في الانتخابات عندك 264 معتمدية سي نجيب تحب تشارك باسم النهضة قولولنا مش تجيب واح نهضاوي يحكي، انت تتخيل أنو سي نجيب الشابي بش يعمل 264 معتمدية 264 مترشح، لا قالك الأحزاب الوازنة جيب واحد يقوللنا راني مقاطع الانتخابات وانتهى شنية علاقتك بالانتخابات، يقوللنا... ماهي ناس جابتها حركة النهضة بش تخدم بيها الطرح هذا متاع قضايا تضحك وتدخلها وتقحمها في مسائل أخرى"...