وقال ديلو:"قيس سعيد والمفسرين متاعو عندهم أشهر ما عادش يحكيو عالفصل 80، خاطر نحنا قيس سعيد يتعامل كالرجل القوي، معناها أنا نطبق في برنامجي على خاطر عندي الوسائل اللي قادر بش نفرضو بيها.. برنامجو الاستيلاء على كل السلطات وجميع الصلاحيات.. حاليا أنا واياك كل واحد منا جالس على كرسي، السيد رئيس الجمهورية على قداش من كرسي جالس، جالس على كرسي السلطة التشريعية وكي يحكي على القضاء يقول جملة سريالية يقلهم القاضي دورو بش يطبق القانون مش دورو بش يأخذ بلاصة المشرع، شكون المشرع قيس سعيد، المشرع هو السلطة التشريعية إذا بالنسبة ليه هو بديهيا هو المشرع.. إذا جالس على مقعد السلطة التشريعية، على مقعدي السلطة التنفيذية، وبمرسوم حل المجلس الأعلى للقضاء يريد أن يجلس على مقعد السلطة القضائية، وأنا في تقديري أن القضاة لن يمسحوا بذلك، وحاليا تحكي على تأسيس المجلس الأعلى المؤقت للقضاء هي محاولات لتأسيسه لأنو كل الهيئات الممثلة للقضاء دون استثناء حتى اللي كان موقفها ملتبس شوية كلها ضد هذا القرار."...