وقال الكحلاوي:" اللي قاعد يحصل توة هو الانزياح كل يوم وكل لحظة للصراع السياسي من مجال السياسة إلى القضاء، القضاء هو ولا عركة السياسة سلطة ومعارضة أصبحت في القضاء ما عادش عركة في المجال العام، قيس سعيد عندو مشكلة مع حد العركة بش تكون في المحكمة من خلال إثارة قضية، أصلا الحكم والمعارضة هي أيضا مع جزء من القضاء كيما مثلا مع أنس الحمادي، معنتها في النهاية عركة وزارة العدل مع بعض القضاة وعركة الرئيس مع بعض القضاة، أهم خبر لازم نركزو معاه توة واللي قالو الرئيس البارح بشكل واضح أنو لن تحدث حركة قضائية العام هذايا حسب ما صدر البارح في بيان هبط امخر في الليل بعد لقاء رئيس الجمهورية مع وزيرة العدل... أحد الأمثلة على فراغ الملفات ضد القضاة وآخرها في علاقة بأنس الحمادي، رفعوا عليه الحصانة علاش، على خاطر تم ترويج أنو أنس الحمادي دخل لقاعة محكمة ومنع عقد جلسة في إطار إضراب القضاة، القاضي المعني نفسو اللي في القيروان اسمو خالد عبد الكريم نشر في حسابو قال أنا القاضي أنس الحمادي ما منعنيش من المضي قدما في عقد الجلسة، مالمفروض هو بش يقول أنو منعني، قالك لا ما منعنيش.. معركة الرئيس مع القضاة مازالت في مستوى الملفات الفارغة، والملفات الفارغة قاعدة تتواصل وتستمر في الاتجاه الأخر"...