وقال الكحلاوي:" راهو قيس سعيد نتعاركو معاه منا لغدوة وبين قوسين نحنا ربما عنا ميزة اللي قيس سعيد انجموا نقولو لا وقيس سعيد انجمو نوصلولو لأكثر من لا لكن للأسف في المغرب بعض المغاربة لا يتصرفون بنفس الشكل مع رأس الحكم، نحنا لا رأس الحكم انجمو نقولو لا، أما راهو كي تمشيو انتوما توليو تتعاملو مع قيس سعيد بأكا الطريقة متاع البوبين اللي تفرغ فيها ويولي تطيح قدر، أنا شفت كاريكاتير في الإعلام المغربي متاع تطييح قدر وإعلام مغربي قريب إلى السلطة وممول من بعض دول الخليج الداعمة للتوجه متاع التطبيع، هاو يسمعونا المغاربة ويعرفوا جيدا مواقعهم، شفت كاريكاتير متاع أزمة دبلوماسية مضاعفة، راهو قيس سعيد نتلاطخو معاه أما راهو كي يولي تطييح قدر في النهاية تونسي كيفنا كيفو ويمثل الدولة التونسية توة، تطييح القدر لن نقبل به والإعلام الخاضع للتعليمات متاع القصر بعكسنا نحنا لا نخضع لتعليمات أي قصر هنا في IFM وغيرنا من الإذاعات، ونقولو لقيس سعيد أكثر ماللي يقولوه ممكن منتقديه ومعارضيه لكن في نفس الوقت تطييح القدر لا ولن نقبل به".