وقال الكحلاوي:" المحاور الكبار في مفاوضات الحكومة مع صندوق النقد الدولي هي المؤسسات العمومية 7 مبدئيا بخلاف قائمة أطول من هكا اللي هوما في وضع صعب، كيفاش الحكومة بش تتصرف معاهم فما تركيز متاع صندوق النقد على التفاصيل، ولهنا الموضوع كبير برشا مثلا الخطوط التونسية موجودة في القايمة كيف ستتصرف الحكومة هل ستعمل شراكة خاصة، الدخان موجود، موجودة مؤسسات أخرى زادة بنفس الأهمية أهمها الستاغ وهاذيكا القطعة الكبيرة... الستاغ تهزنا لموضوع آخر اللي هو الدعم، خاطر الكهرباء بترول وغاز كيفاش يقع إنتاجها في النهاية، وهذا يهزنا لأكبر ملف اللي هو ملف الدعم، ولهنا سمعنا وزيرة الصناعة والطاقة والمناجم اللي قالتلنا سيسمى ترشيد... الدعم سيتم ترشيدو ولكنه رفع تدريجي فعليا وهذا زادة ملف كبير وما فيهش حوار، النقطة الأخرى هي نقطة الجباية، فما أكثر من ملف وهذا واحد فقط منهم وبش يخلق إشكاليات مع اتحاد الشغل...الرئيس مش ما عندوش علاقة هو يحب يظهر ما عندوش علاقة لأنو يعرف ملف حارق، هذا ما يصفه بالفرنسيين بالبطاطا الساخنة، اللي ما تتمسش وماذابيه حتى حد ما يمسها شكون اللي بش يمسها اللي ما هوش معني بمستقبل سياسي السيدة نمصية السيد بودن، اللي يبدا عاقل ويحب يكون عندو مستقبل سياسي بالتأكيد ملف صندوق النقد الدولي وبرامج إصلاحو م المفروض ما يقربلهمش"...