وقال الكحلاوي:" حكاية المرزوقي هو أستاذ زائر من الناحية التقنية في فصل الخريف، ويقدم دروس ويقع استدعاؤهم وفي العادة هذا مركز تشريفي، هي تابعة كيندي سكون اللي هو وحدة من أهم المدارس كيما تقول مدرسة الإدارة متاع فرنسا، هاذيا كيف ما تقول أكثر وحدة، عندهم أكثر من وحدة في أمريكا وجامعة هارفارد باسمها مش فقط كينيدي سكول بل أيضا جامعة هارفارد وهو حط تصويرة وقتها أنا كنت معاه في محاضرة عملها في 2017  في أفريل وقتها أنا كنت معاه في كامبريدج في هارفارد، يتقن جيدا اللغة الإنجليزية، ثقافتو فرنسية وانجليزية، ونتذكر المحاضرة هاذيكا كانت مهمة، عمل فيها نوعا ما تقييم مختلف ربما على الخطاب السياسي، يعني كي يحكي في الجانب العلمي يكون عندو منهجية عليمة، الاستدعاء عندو بعد علمي لأنو تم استدعاؤو سابقا مش أول مرة، ومشا أكثر من مرة في محاضرات ومشا لبرنستون ومشا لجامعات أخرى... أنا خدمت مع المرزوقي إذن شهادتي مجروحة، عندي عليه طبعا انتقادات لكن كل حاجة في بلاصتها، من الناحية العلمية الرجل إنسان جاد عندما يكتب في الأمور العملية، وكيف ما قال سفيان الكينيدي سكول وهارفارد يستدعاو مسؤولين سابقين يعني كانوا شدوا مناصب ويعطيو رايهم، يعني فما الجانب العلمي وجانب الممارسة، ولهنا بش يكون فما مهم جدا أنا نحب نسمع مقاربتو العلمية لأسباب فشل الانتقال الديمقراطي وإلا مشاكل الانتقال الديمقراطي"...