وقال البريكي:" الوقائع والأحداث والتطورات تستدعي خطاب واضح للشعب هو من قبل فما بلك الآن... الواقع الدولي صعيب نقولو للناس فما واقع محلي صعيب نقولو للناس فما حرب يخوضو فيها المافيات في البلاد من أجل التأثير على المسار زايد هذا ما ينجم حتى حد ينفيه لأنو البضاعة تكون موجودة بكثافة فجأة تختفي ومبعدها ترجع بشكل أو بآخر، راهو الأخطبوط متاع التعطيل ماهيش عملية هينة وقتلي نقولو مفاصل الدولة تمكنو منها..فما بارونات يا هل ترى تمكنوا لدرجة أنو محاصرتهم صعيبة وإلا برشا أمور متداخلة تتطلب حقيقة التسريع فيه.. هنا السؤال أين الخلل مهم جدا.. زعما الخلل في الحكومة وارد لأنو الحكومة مش قاعدة تدفع في الاتجاه هذا، باهي مصارحة الشعب مهمة في حاجتين مش في الاقتصادي برك في الإقبال المكثف على الانتخابات راهو مهم جدا أمام هالمحاولات متاع لن نشارك ومن حقهم.. رغم اللي بين قوسين نعرف اللي فما ناس بش تشارك بالصف الثاني والثلث والفرصة مواتية، القانون الانتخابي راهو عطاهم الفرصة لأنو المال الفاسد ما يبرزش يتعطا تحت الطاولة، وشكون ينجم يلم الـ400 الأحزاب الكبيرة معروفة شنية وين ماشية إلى آخره، ما نخشاه في الوضع الحالي أنك تلقا برلمان سيعطل كل أعمال السلطة التنفيذية وندخلو في دوامة أخرى متاع تعطيل.. أخرج للناس في خطاب متكامل على الكل.. أعطي للتوانسة تاو يحطو على كروشهم أكبر من حجرة بلال كي يفهمو اللي الوضع راهو صعيب ويفهمو أنا ماشين لقدام بحلول حينية وحلول أخرى تفكر في 5 سنوات ويلزم تشريك الخبراء"...